Skjema og retningsliner finn ein i Servicekontoret på Rådhuset og på kommunen sin nettstad. Lag og organisasjonar som driv kulturaktivitet i kommunen kan søkje. Søkjar skal nytte søknadsskjema. Tildelinga blir basert på aktiviteten i 2009 som skal dokumenterast gjennom årsmelding og rekneskap som skal ligge ved som vedlegg til søknadsskjemaet. (Kan eventuelt ettersendast.) Lag som driv barne- og ungdomsaktivitet blir prioritert.
På baksida av det ferdig utfylte (pdf-søknadsskjemaet) er det høve for laga å teikne seg for bøssebering til haustens TV-Aksjon. Kommunen lyser også ut tre kulturstipend til ungdom som har utmerka seg. Søknad skal grunngjevast som eige vedlegg. Vestens Ungdomsråd skal tilrå fordeling av ungdomsstipend.
Ein ser gjerne at lag og foreningar søkjer om kulturmidlar ved å nytte elektronisk skjema som ein og finn på kommunen sine nettsider. (Sjå dokument-lenke på høgresida.) Om ein nyttar dette skjemaet, må påmedling til bøssebering og forslag til ungdomsstipenda, gjerast på innskanna vedlegg. Eller ettersendast. Endeleg vedtak om fordeling av aktivitetstilskot for 2010, blir gjort i mai månad.
Søknad om aktivitetstilskot og framlegg om kandidatar til ungdomsstipend skal sendast til Vestnes kommune, administrasjonssjefen, 6390 Vestnes, seinast onsdag 14. april 2010.