Lesekonkurransen BOKsommar 2010 er no godt i gang, og nærare 80 barn deltek. Konkurransen vert arrangert av Vestnes folkebibliotek i samarbeid med Møre og Romsdal fylkesbibliotek, og alle born frå 1.-7. klasse kan vere med og kjempe om flotte premiar.
Alle som deltek i Vestnes kommune er med i trekninga av eit gratis klippekort på bowling frå Tomra bowling. Som ekstrapremiar har vi fått fem pølsepenalhus i skinn med innhald frå Ark bokhandel på Vestnes.
Dei som les ti bøker eller fleire er saman med born frå heile fylket med i trekninga av ein iPod, tre Devold T-skjorter og tre boksjekkar, sponsa av Fylkesbiblioteket.
Sjølv om påmeldingsfristen eigentleg er ute, er det framleis mogleg å melde seg på. Dette kan ein gjere ved å møte opp i Biblioteket og ta med påmeldingsarket alle elevar har fått på skulen. De kan og ta kontakt på telefon (71184084) eller e-post (
biblioteket@vestnes.kommune.no).
Biblioteket ønskjer alle ein riktig god BOKsommar!