Kvar og når kan du stemme?
I førehandsstemmeperioden kan du stemme kor du måtte ønskje i heile landet.
Dersom du førehandsstemmer i ein annan kommune enn heimkommunen din, får du utdelt ein stemmesetel som er påførd dei registrerte namna til dei politiske partia, utan kandidatnamn. Du må då krysse av for, eller skrive på, kva parti du vil stemme på. Du kan også skaffe stemmesetel frå din kommune og bruke den dersom du ønskjer å gjere endringar. Det same gjeld dersom du stemmer utanfor fylket ditt.
Slik kan du førehandsstemme i Vestnes kommune
Ta med legitimasjon og eventuelt valkort.
Kan eg stemme fleire gonger?
Det er viktig å hugse på at det ikkje er mogeleg å angre på stemmegjevinga si i Noreg. Det betyr at dersom du førehandsstemmer, så kan du ikkje stemme på nytt, heller ikkje på valdagen.
Stemme heime?
Dersom du ikkje kan oppsøke eit vallokale på grunn av sjukdom eller uføre, kan du søke valstyret om å avgi førehandsstemme heime eller der du er. Då kjem det to valmedarbeidarar heim til deg og mottek stemma di.
Kontakt servicekontoret innan tysdag 5. september kl. 14.00 på følgjande telefonnummer for å avtale tid:
Oppheld du deg i utlandet?
Dersom du bur eller av andre grunnar oppheld deg i utlandet eller på Svalbard og Jan Mayen, kan du stemme på førehand på norske utanriksstasjonar eller hos særskilt oppnemnde stemmemottakarar, eller du kan brevstemme. Les meir om korleis du førehandsstemmer i utlandet på valg.no.