Kommunal planstrategi

Som grunnlag for kommuneplanarbeidet, fastsett Plan- og bygningslova (PBL) at det først skal utarbeidast ein planstrategi.  

Ein planstrategi er eit verktøy for å vurdere og prioritere behovet for overordna planlegging i kommunestyreperioden. Kommunal planstrategi er heimla i plan- og bygningslova §10-1.
Planstrategiarbeidet skal styrke den politiske styringa av planarbeidet, samtidig som ein forenklar og forbetrar planleggingsprosessen og etablerer ein kultur for god planlegging.

Kommunal planstrategi 2025 - 2028  (PDF, 4 MB)

Samfunnsdelen

Kommuneplanen sin samfunnsdel tek stilling til langsiktige utfordringar, mål og strategiar for både kommunesamfunnet og kommunen som organisasjon. Kommuneplanens samfunnsdel blei vedtatt 6. mars 2025. Slik blei planen til.

Kommuneplanens samfunnsdel 2025 - 2037

Arealdelen

Kommuneplanen sin arealdel omfattar alt areal i kommunen. Planen fastset kva føremål areala kan nyttast til og viser område med fare eller natur- og kulturlandskapsverdiar som skal takast omsyn til. Plankart og føresegner er bindande både for nye tiltak og utviding av eksisterande tiltak jf. plan- og bygningslova § 11-6.

Kommuneplanens arealdel for Vestnes 2015-2025, vedtatt 01.10.2015 (PDF, 17 MB)  

OBS! Arealdelen skal reviderast . Revidert plan er venta ferdig i løpet av 2025. Her kan du følgje arbeidet med arealdelen

Handlingsdelen  

Handlingsdelen vert lagt inn i økonomiplanen. I handlingsdelen/økonomiplanen er det også vist oversikt over helsetilstanden i befolkninga og statistikkar og prognoser for folketalsutvikling, barnetal, alderssamansetting, kjønnsfordeling og nasjonalitetar etc.

Kommuneplanens handlingsdel blir rullert årleg som del av økonomiplanen.

Kommuneplanen sin handlingsdel med økonomiplan og budsjett 2025-2028.

Andre gjeldande planar

Kommunedelplan Romsdalsfjorden 2015-2025 vedtatt i Vestnes 22.06.2017

Kommunedelplan Tomrefjellet – Solnørvassdraget – vedtatt i Vestnes 06.07.2006. (PDF, 2 MB)

Digitale planar er tilgjengeleg på kommunens kartteneste under søk i kart/planer

Oppbygging av plansystemet