Skulen har i 2019 13 tilsette og 472 elevplassar. Vi sel også teneste til barnehagar, skular, ulike institusjonar samt oppdrag i andre kommunar og Møre og Romsdal fylke. Fleire av korpsa i kommunen kjøper dirigent- og instruktørteneste frå kulturskulen. Det gjer også Spelemannslaget Dåm og Drag.

Vestnes Kulturskule ynskjer å ta aktivt del i lokalsamfunnet. Det gjer vi m.a. med kulturinnslag ved ulike arrangement i kommunen.
Gjennom skuleåret arrangerer vi huskonsertar, og ulike forestillingar. Kvart år ”løyser vi opp ” timeplanen i ein periode og jobbar med prosjekt eller større framsyningar.

Kulturskulen er ein skule for alle. Det er inga aldersgrense for opptak, og alle som bur i Vestnes kommune kan søkje om å få undervisning ved Vestnes Kulturskule.
Kulturskulen oppmodar også vaksne og pensjonistar om å søkje. Det er i prinsippet ope inntak, men ventelister kan bli oppretta på grunn av:
* stor søknad på enkelte instrument
* mangel på lærekrefter
* endringar i dei økonomiske rammene

Undervisninga blir lagt til Vestnes Kulturskule sine lokale og i dei ulike skulane.
Påmeldinga gjeld for heile skuleåret. Dersom ein elev sluttar undervegs, må ein betale for det semesteret som er påbegynt. Utmelding må skje skriftleg innan 1. desember.