Tilskot til avløysing ved ferie og fritid (avløysartilskot) er ei refusjonsordning som skal leggje til rette for at husdyrbrukarar skal kunne ta ferie og få ordna fritid og hjelp til avlasting gjennom å bidra til finansiering av arbeidskraft som blir leigd inn. Ordninga skal bidra til «et aktivt og bærekraftig jordbruk innenfor de målsettinger Stortinget har trukket opp» (jf. forskrift om produksjonstilskudd og avløsertilskudd i jordbruket § 1).

Kven kan søke og korleis. 

Det vert stilt same krav som ved søknad om produksjonstilskot. 

Du kan få utbetalt avløysartilskot på bakgrunn av faktiske utgifter til avløysing.

Grunnlaget for kor store avløysarutgifter som kan bli refundert blir fastsett ut frå gjennomsnittet av tal dyr føretaket disponerer på teljedatoane 1. mars og 1. oktober. Føretaket må difor registrere tal dyr det har hatt både 1. mars (frist for registrering er 15. mars) og 1. oktober (frist for registrering er 15. oktober) sjølv om ein ikkje kan få husdyrtilskot for alle dyreslag.

Du kan søke om avløysartilskot ved del 2 av søknad om produksjonstilskot og tilskot til avløysing ved ferie og fritid. Søknadsskjemaet er felles for produksjonstilskot og avløysartilskot ved ferie og fritid.

Sjå meir om ordninga på landbruksdirektoratet si side