Valfaga er praktiske fag, tilvalsfaga kan vere anten teoretisk fag eller praktisk fag. Målet med faga er at elevane skal få variert opplæring. Dette er ei fin moglegheit for at du som elev skal kunne utvikle deg innanfor eit område som interesserer deg.
Det finst forskjellige valfag og tilvalsfag. Det vil variere frå skule til skule kva valfag og tilvalsfag som vert tilbydt. Elevane vil få informasjon om kva type valfag og tilvalsfag dei kan velje utover våren. Elevar som begynner i 8. klasse neste skuleår skal velje både eit valfag for eitt år og eit tilsvalsfag for dei neste tre åra på ungdomsskulen, medan elevar som begynner i 9. og 10. klasse skal kun velje valfag for eitt år.
Valfagtilbodet består no av 7 fag på alle steg. Tomrefjord skule vil satse på å tilby undervisning i 3-4 fag, dersom det blir mange nok elever som søker faget og at skulen kan stille med lærarressursar. Elevane behøver ikkje ha samme valfag gjennom heile ungdomsskulen. Elevane kan bytte valfag etter kvart skuleår.
KI-generert bilde
Design og redesign er eit valfag for deg som likar å vere kreativ, arbeide praktisk og utforske nye idear. Her får du lære om designprosessar, berekraftige løysingar og korleis du kan gi nytt liv til gamle ting.
Faget gir deg fridom til å skape eigne produkt og eksperimentere med ulike teknikkar.
Kvifor er dette faget kjekt?
Design og redesign er eit spennande fag der du får arbeide med kreative oppgåver og praktiske prosjekt. Du lærer å utvikle idear, teste ut nye teknikkar og skape noko unikt. Arbeidet skjer gjennom
eksperimentering, og du får sjansen til å finne dine eigne løysingar.
Faget passar for deg som likar å bruke hendene og prøve nye måtar å skape på.
Kva handlar faget om?
I dette faget lærer du om korleis designprosessar fungerer, frå idé til ferdig produkt. Du får arbeide med redesign og oppcycling, der vi gir brukte ting eit nytt liv. Faget har også eit sterkt fokus på
berekraft og miljøvennlege løysingar.
Kven passar dette faget for?
Dette faget er for deg som:
- Likar å vere kreativ og finne nye måtar å lage ting på
- Trivst med praktisk arbeid og handverksoppgåver
- Er open for å eksperimentere og ikkje redd for å gjere feil
- Kan jobbe sjølvstendig, men også samarbeide med andre
- Likar å arbeide i formingsrommet og er komfortabel med det utstyret vi bruker der
Korleis vert faget gjennomført?
I Design og redesign får elevane mykje friheit til å bestemme oppgåvene innanfor dei rammene som er sett. Vi jobbar både individuelt og i grupper, og fokuset er på praktisk arbeid.
Vi jobbar praktisk i formingsrommet, der du får prøve ulike material og teknikkar.
Målet er å utvikle skaparglede, utforske kreativitet og lære korleis design kan brukast i kvardagen.
Eksempel på arbeidsoppgåver
- Redesign av klede ved hjelp av vinylpresse
- Produksjon av kreative gåver og dekorasjonar
- Måling, teikning og andre kunstnariske teknikkar
- Skaping av eigne design og kunstuttrykk
- Teikning, måling og andre kunstnariske uttrykk
Dersom du likar å vere kreativ, skape eigne ting og arbeide praktisk, kan Design og redesign vere eit spennande fag for deg!
Læreplan i valfaget Design og redesign (udir.no)
KI-generert bilde
Kvifor er dette faget kjekt?
Får utforske og oppleve naturen på alle årstider.
Kva handlar faget om?
Skal planlegge og gjennomføre turar ute til ulike årstider, også med overnatting. Forlenga skuledagar må påreknast.
Sporlaus ferdsel, allemannsretten, bål, førstehjelp og livredning, fiske, fjellturar med hausting frå naturen, sykkeltur i terreng, ski, orientering, lære om utstyr og klede, reflektere over etisk og berekraftig bruk av naturressursar.
Kven passar dette faget for?
Alle som likar å vere ute.
Korleis vert faget gjennomført?
Økter ute heile året. 4 veker på sløyden på nyåret. Forlenga dagar.
Fjellturar, fisketurar og
overnattingstur.
Treng eleven ekstra utstyr?
Klede for å vere ute i.
Læreplan i valfaget Friluftsliv (udir.no)
KI-generert bilde
Fysisk aktivitet og helse er eit fag som gir deg moglegheita til å utvikle deg både fysisk og mentalt. Gjennom varierte aktivitetar og praktisk læring vil du få innsikt i korleis trening og ernæring kan bidra
til betre helse og livskvalitet.
Kvifor er dette faget kjekt?
Fysisk aktivitet og helse får du vere med på ei rekkje spennande og varierte aktivitetar. Du får prøve deg på lagidrettar som volleyball og innebandy, men òg på individuelle aktivitetar som uthaldstrening
og styrketrening. I tillegg deltek du i samarbeid søvingar, frisbee og ulike konkurransar. Ein viktig del av faget er òg å lage god og næringsrik mat som styrkjer helsa di.
Kva handlar faget om?
Faget legg vekt på å utvikle eigne ferdigheiter og utforske eigne grenser, samtidig som du lærer å jobbe utanfor komfortsona di. Du får høve til å utfordre deg sjølv, samstundes som du lærer å
anerkjenne andre og bidra til eit positivt og inkluderande læri ngsmiljø. Hovudfokuset er å hjelpe deg med å styrke di eiga utvikling, samtidig som du tileignar deg kompetansen til å få fram det beste i
medelevane dine.
Kven passar dette faget for?
Faget er ideelt for deg som likar å vere i fysisk aktivitet og som ønskjer å lære meir om korleis ernæring kan forbetre livet ditt. Dette er eit fag for deg som vil utvikle deg, utfordre deg sjølv og bli den beste versjonen av deg sjølv!
Korleis vert faget gjennomført?
Dei fysiske aktivitetane utgjer om lag to av tre økter i faget. Desse timane vert som regel gjennomførte i idrettshallen eller på kunstgrasbana, men nokre få økter finn stad utanfor
skuleområdet. Vanlegvis følgjer vi skulen sine ordinære tidsrammer, men det kan også vere lengre økter med påfølgjande avspasering. Om lag ein av tre økter har fokus på ernæring, de r du i dei fleste
timane får lære å lage næringsrik mat som er bra for kroppen din.
Treng eleven ekstra utstyr?
For å kunne delta i faget, treng eleven:
- Treningsklede
- Eigna innesko til idrettshallen
- Joggesko til aktivitetar utandørs
- Forkle til matlaging
Fysisk aktivitet og helse er eit fag som gir deg meir energi, betre helse og viktig kunnskap for livet. Vel dette faget for ein aktiv og engasjerande skulekvardag!
Læreplan i valfaget fysisk aktivitet og helse (udir.no)
Kvifor er dette faget kjekt?
Dette er eit givande fag då ein får bidra i fellesskapet og gjere noko meiningsfullt og kjekt for andre. Dette kan vere på skulen og/eller i lokalsamfunnet.
Kva handlar dette faget om?
Dette er eit praktisk fag der vi lærer om frivillig arbeid og kva dette inneber. Vi planlegg og gjennomfører ulike sosiale tiltak som fremjar eit inkluderande samfunn og som skal vere til
nytte for andre.
Kven passar dette faget for?
Dette passar for elevar som er omsorgsfulle, samarbeidsvillige, sosiale, kreative, ansvarsfulle og som blir oppriktig glad av å hjelpe andre.
Korleis vert faget gjennomført?
Elevane skal få vere med å bestemme kva slags inkluderande aktivitetar som skal gjennomførast i løpet av skuleåret. Det kan bli lagt opp til langdagar for å gjennomføre desse
aktivitetane som i så fall vil bli avspasert i faget i etterkant. Her er eksempel på ulike aktivitetar som kan vere aktuelle:
- Hjelpe elevrådet med å arrangere sosiale aktivitetar for elevar på skulen
- Besøksven for eldre
- Ha aktivitetar for eldre på Stella Maris/Dagsenteret
- Bingokafé for eldre
- Leksehjelp for elevar på barneskulen
- Språkkafé for minoritetsspråklege
- Hagearbeid og snømåking
- Samle inn pengar til frivillige organisasjonar
- Hjelpe til i barnehagar og/eller SFO
Treng eleven ekstra utstyr?
Du treng berre vanleg skuleutstyr.
Læreplan i valfaget Innsats for andre (udir.no)
Kvifor er dette faget kjekt?
Dette faget gir deg moglegheita til å vere kreativ, prøve ut nye teknikkar og jobbe med spennande prosjekt. Du får lære om korleis kommunikasjon fungerer, både digitalt og ansikt til ansikt. Det beste
av alt? Du får lage innhald sjølv enten det er videoa r, bilete, lydopptak eller grafisk design!
Kva handlar faget om?
Medium og kommunikasjon handlar om å forstå korleis informasjon blir formidla gjennom ulike medium, som TV, radio, aviser og sosiale medium. Du vil lære å produsere eigne medietekstar, bruke
ulike verktøy og teknikkar og forstå korleis media påverkar samfunnet.
Kven passar dette faget for?
Dette faget passar for deg som:
- Likar å jobbe kreativt med bilde, lyd eller tekst.
- Er interessert i film, journalistikk eller sosiale medium.
- Vil lære å bruke digitale verktøy som redigeringsprogram for bilete, lyd og video.
- Er nysgjerrig på korleis kommunikasjon påverkar folk og samfunn.
Kva får du ut av faget?
Når du er ferdig med dette faget, vil du:
- Kunne planleggje, produsere og presentere ulike medietekstar.
- Forstå korleis du kan tilpasse innhald til ulike målgrupper og kanalar.
- Vere bevisst på digital dømmekraft, ytringsfridom og personvern.
- Kunne innhente og vurdere kjelder på ein kritisk måte.
- Ha ei betre forståing av korleis media påverkar oss og samfunnet.
Om dette høyrest spennande ut, bør du velje Medium og kommunikasjon som valfag!
Korleis vert faget gjennomført?
Faget er praktisk og teoretisk , og du vil få mange spennande oppgåver gjennom året. Her er nokre
døme på aktivitetar du kan forvente:
- Lage film eller reklamevideoar.
- Lage ein podcast med intervju og reportasjar.
- Redigere bilete og lære grunnleggande grafisk design.
- Jobbe med sosiale medium og lage innhald for ulike plattformer.
- Skrive artiklar eller bloggar om aktuelle tema.
Faget kan også innehalde spesielle prosjekt, som «langdagar» der ein jobbar med større produksjonar, eller besøk i nærområdet.
Treng eleven ekstra utstyr?
Du treng berre vanleg skuleutstyr.
Læreplan i valfaget Medium og kommunikasjon (udir.no)
Kvifor er dette faget kjekt?
Du får moglegheit til å kartlegge ferie og fritidstilbod i nærområdet ditt, og bli kjent med fylket ditt på ein ny måte. Faget er med på å styrke elevens tilhøyrsle til og respekt for lokal kultur og
samhandling med lokale reiselivsaktørar og tilreisande gjestar.
Kva handlar faget om?
Faget skal vere eit praktisk fag der elevane skal kartlegge, planlegge og vurdere reiseliv og reiselivsmoglegheiter knytt til lokal og regional natur og kultur. Elevane får lære korleis reiseliv og
turisme kan vere med å skape arbeidsplassar og attraktive tenester for fastbuande og turistar. Valfaget reiseliv handlar og om korleis reiseliv kan påverke natur og miljø, og lærar elevane kva verdi
eit berekraftig reiseliv har for lokalsamfunnet.
Kven passar dette faget for?
Dei elevane som er interessert i reiseliv og liker å utforske det nærmiljøet har å by på. Alle som vil
lære noko nytt om området dei bur i. Faget vil innebere at ein skal presentere reisemåla sine på ulike
måtar, så det er en fordel at du er komfortabel me d å presentere framfor ei mindre gruppe.
Korleis vert faget gjennomført?
Planlegge 3 forskjellege berekraftige turar/aktivitetar i nærområdet og prøve desse ut i praksis, innanfor gitt budsjett. Skaffe midlar gjennom sponsorar og ta på oss oppdrag frå reisearrangørar.
- Sette opp budsjett for planlagt turar
- Presentere turar for kvarandre og andre
Treng elevane ekstra utstyr?
Nei
Læreplan i valfaget reiseliv - sjå Udir.no
- Skodespel
- Musikk
- Teknisk: scenelys og lyd
Kjekt for dei som:
- Liker å utfolde seg på ei scene
- Har lyst til å skrive manus til skodespel
- Ønsker å lære å legge teatersminke
- Liker å synge og/eller spele eit instrument
- Liker å danse
- Ønsker å lære korleis sette opp og styre teaterlys og lyd
- Liker å kle seg ut
Oasen er basen for dette faget. Vi har eit innhaldsrik omkledings og sminkerom i tilknyting Oasen.
Dei som får vere med på dette valfaget får bruke fantasien til å skrive manus for skodespel med replikkar som deretter vert øvd inn. Det er som regel to eller tre produksjonar i løpet av skuleåret. Det er mogleg å invitere t.d. yngre elevar som kan vere pu blikum, når skodespelet er klar til visning.
Læreplan i valfaget Produksjon for scene (udir.no)
Ved Tomrefjord skule tilbyr vi arbeidslivsfag, framandspråk og fordjupingsfag. Valet blir i utgangspunktet tatt for alle tre åra på ungdomsskulen.
Kvifor er dette faget kjekt?
Dette faget er kjekt fordi her får du moglegheit til å arbeide med praktiske arbeidsoppdrag – både oppdrag som er gitt av lærar og oppdrag som de bestemmer sjølv i samarbeid med andre. Du får vere kreativ, samarbeide med andre og gjere idear om til handling.
Kva handlar dette faget om?
Dette er eit fag der du får praktisk erfaring med å løyse arbeidsoppdrag saman med andre. Du skal vere med å skape verdiar gjennom å levere tenester og/eller produkt innad på skulen eller for andre oppdragsgivarar utanfor skulen. Dei siste åra har vi også følgt Ungt Entreprenørskap sitt program der de startar opp dykkar eigne elevbedrifter. Her får de lære meir om idéutvikling, marknadsundersøkingar, marknadsføring, økonomi, produksjon, HMS og samarbeide med lokalt næringsliv. Du får erfaring med å sjå moglegheiter og omsetje idear til handling. Tenkje sjølv, sjå løysingar, bruke nettverket sitt og samarbeide for å få ting gjort.
Kven passar faget for?
Dette faget passar for elevar som kan samarbeide godt med andre, er strukturerte, ansvarsbevisste, kreative, løysningsorienterte, hargjennomføringsevne og vilje til å yte ein innsats. I arbeidslivsfag skal vi arbeide.
Korleis vert faget gjennomført?
Vi har oppdrag som heile klassa skal gjennomføre saman, i tillegg til oppretting av eigne elevbedrifter med utgangspunkt i dykkar eigne interesser og/eller oppdrag som kjem frå skulen eller lokalsamfunnet. Døme på dette kan vere måling av gangen til ungdomsskulen, lage benkar, ta ned skog, ha kantine/lage mat (om det passar inn i timeplanen mtp. skulekjøkkenet), hjelpe vaktmeistrane med ulike oppdrag og lage eigne produkt/tenester som de finn opp sjølv. Det kan vere lagt opp til nokre langdagar der vi mellom anna kan vere med på regionsmeisterskap for elevbedrifter. Skuleåret 2024-2025 var dette noko 9. og 10. klasse gjennomførte. For skuleåret 2025-2026 er ikkje dette avklart endå. Som elevbedrifter har de også moglegheit til å arbeide med denne utanfor skuletid. Avtale om eventuell avspasering må då avklarast med leiinga på skulen.
Treng eleven ekstra utstyr?
Nei, du treng berre vanleg skuleutstyr.
Læreplan i tilvalsfaget arbeidslivsfag (udir.no)
Dette faget passar for dei som liker engelsk og har lyst å lære meir. Det blir lagt vekt på både munnleg
og skriftleg engelsk. Pensumet er IKKJE det same som det obligatoriske engelsk undervisning elles på Ungdomssteget.
Dette er IKKJE eit fag der svake elevar får «støtte undervisning» i språket!
Vi har den innhaldsrik bokserien «On the Move» 1, 2 og 3 som er det einaste verket som er utgitt til dette faget. Det har eit stort mangfald av varierte tema. Noko for einkvan smak!
Lærar bruker å legge opp faget i henhald til interessene til elevgruppa. Elevane må gjerne kome med forslag!
Typiske oppgåver i timane er å:
- Sjå film og fortelje/skrive om kva filmen handlar om
- Lage PowerPoint om t.d. engelsktalande land, reisebrev, hobbyar eller berømte personar
- Lage korte filmar om diverse situasjonar t.d. restaurant, intervju
- Lese spennande historier om ulike tema
- Lese om korleis høgtider t.d 4.juli, jul, Halloween osv. blir feira i engelsktalande land
- Syngje engelske songar
- Lese ei ungdomsroman
- lage engelsk mat
Læreplan i tilvalsfaget Fordjupning i engelsk (udir.no)
Kvifor er dette faget kjekt?
Faget legg opp til ulike læringsaktivitetar med utgangspunkt i elevane sine interesser. Med dette som utgangspunkt får ein får jobbe med å utvikle sitt eige språk, vere kreativ saman med andre, utforske tekstar, skape tekstar i ulike sjangrar (tekst, film, teikneserie, podcast etc.).
Kva handlar faget om?
Faget er eit fordjupingsfag av ordinært norskfag. Du får moglegheit til å utforske norsk som språk, og korleis ein via språk kan kommunisere med andre. Du får også setje deg inn i ulik litteratur frå fortid og notid, samt skape tekstar i ulike sjangrar båd e individuelt og i grupper. Faget skal førebu ein til eit arbeidsliv som krev digital kompetanse og variert språkleg kommunikasjon.
Kven passar dette faget for?
Faget passar for den som er glad i språk og ynskjer å bli enda betre i norsk. Du bør vere kreativ, kunne samarbeide med andre og ha engasjement til å utvikle deg.
Korleis vert faget gjennomført?
Faget blir gjennomført i skulen sine lokalar. Døme på aktivitetar: bokprosjekt filmprosjekt drama prosjektarbeid skuleavis.
Treng eleven ekstra utstyr?
Nei
Læreplan i tilvalsfaget Fordjupning i norsk (udir.no)
Kvifor er dette faget kjekt?
Matematikk handlar om mykje meir enn berre tal og formlar! I dette faget skal du få leike med matematikk gjennom spel, kreative oppgåver, samarbeid og utforsking. Du skal lære deg nye måtar å tenke matematisk. Du vil få presentert praktiske oppgåver, der vi mellom anna skal rekne med pengar, gjere ulike målingar, sjå på statistikk og andre spennande tema.
Kva handlar faget om?
Faget handlar om å lære å løyse matematiske problem. Vi skal utforske nye metodar for å finne smarte løys ningar på oppgåver Gjennom spel og logiske utfordringar skal du bruke matematikk på ein leiken måte.
Kven passar dette faget for?
Faget passar for deg som har lyst å læ re meir om matematikk. Du bør ha grunnleggande kunnskapar i matematikk.
Korleis vert faget gjennomført?
Aktørane etterspør konkrete døme på aktivitetar elevane kan forvente å vere med på gjennom opplæringsperioden. Vert det lagt opp til hendingar som går utover ordinære rammer?
Kor vert faget som regel gjennomført?
Vi jobbar på ulike måtar for å gjere matematikk meir forståeleg og spennande. Vi løyser mellom anna oppgåver både individuelt og i grupper, brukar spel, praktiske oppgåver og digitale verktøy, diskuterer ulike strategiar og metodar for å finne løysningar og utforskar korleis matematikk blir brukt i samfunnet.
Treng eleven ekstra utstyr?
Du treng berre vanleg skuleutstyr.
Læreplan i tilvalsfaget Fordjupning i matematikk (udir.no)
Kvifor er dette faget kjekt?
Du lærer å greie deg åleine eller i lag med andre i tyskspråklege land. Vi bruker lesetekstar,
dramatiseringar og praktiske tilnærmingar for å lære språket.
Kva handlar faget om?
Å lære seg å forstå og bli forstått i eit nytt språk.
Kven passar dette faget for?
Alle som har lyst å lære seg eit nytt språk.
Korleis vert faget gjennomført?
Leselekse, lytting, lære uttale, gloser. Lære tal, klokka, dagane, fargar, bestille mat på restaurant, kjøpe klede i butikk, bestille hotelrom, lage og smake på tysk mat og drikke og lære å prate om daglegdagse gjeremål. Bobilturar i nærområdet!
Treng eleven ekstra utstyr?
Du treng berre vanleg skuleutstyr.
Læreplan i tilvalsfaget Framandspråk (udir.no)
Er du glad i å lære språk? Då er kanskje spansk det rette faget for deg? Spansk er eit av verdas mest brukte språk, og trur du at du ein dag kjem til å reise og oppleve nye land og kulturar, vil dette språket vere nyttig å lære. For å lære eit nytt språk er det viktig å vere villig til å arbeide jamt med å øve inn nye ord og uttrykk. Du må også vere budd på å delta i munnlege aktivitetar. Sjå elles under kva vi skal arbeide med.
Tema:
- Du skal lære å presentere deg og fortelje kva du heiter, utsjånaden din, kvar du bur og kor gammal du er.
- Snakke om familie, kjæledyr og vennane dine.
- Du skal kunne fortelje om hobbyar, fritidsaktivitetar og plikter.
- Du vil lære tala, klokka, vekedagane, månadar og årstider, i tillegg til veret.
- Du skal lære om ulike spansktalande land, blant anna om geografi, tradisjonar, matrettar,
levemåtar og ulike kulturar. - Du skal lære om språket si oppbygging og enkel grammatikk.
Arbeidsmåtar:
- Innlæring av ord / uttrykk
- Gjennomgang av nytt stoff felles
- Vi lyttar til, les og skriv korte tekstar.
- Oppgåveløysing på papir og digitalt
- Munnlege aktivitetar i grupper og i felles klasse.
- Spele spel
- Podcast
- Lage korte filmsnuttar
- Sjå film
- Musikk
Utstyr:
Du treng berre vanleg skuleutstyr.
Håper at dette kan vere noko for deg og at vi sjåast i spansk ¡Nos vemos!
Læreplan i tilvalsfaget Framandspråk (udir.no)
Det er viktig å vere klar over at valet av tilvalsfag på ungdomsskolen har konsekvensar for valmoglegheitene for elevar som vel studieførebuande utdanningsprogram i vidaregåande opplæring. Det vil seie: studiespesialisering, idrettsfag, musikk, dans og drama, medium og kommunikasjon, og kunst, design og arkitektur.
På studieførebuande utdanningsprogram skal ein ha framandspråk som fellesfag. Dersom ein har fullført framandspråk på ungdomsskulen skal ein ha framandspråk i to år på vidaregåande, sjølv om ein begynner med eit anna framandspråk enn ein har hatt før. Elevar som har hatt arbeidslivsfag eller fordjupingsfag på ungdomsskulen skal ha framandspråk i tre år. Konsekvensen blir då at ein berre kan velgje to programfag i staden for tre på Vg3.
Dersom ein vel eit yrkesfagleg utdanningsprogram skal ein ikkje ha framandspråk på vidaregåande og det har då ingen betydning om ein har hatt framandspråk eller fordjupingsfag på ungdomsskulen.
Du får i utgangspunktet standpunktkarakter når du avsluttar eit valfag, men dersom du vel det same faget over fleire år, er det karakteren du får frå det høgste årssteget som vert fastsett på vitnemålet. Når du fullfører ungdomsskulen, kan du til dømes altså ha hatt berre eitt valfag og éin standpunktkarakter, eller du kan ha hatt fleire ulike valfag og flere standpunktkarakterar.
Alle karakterane står på vitnemålet, men det er eit snitt av karakterane som vert nytta i poengberekninga i inntak til vidaregåande skule.
I tilvalsfag får elevane standpunktkarakter etter 10. årstrinn.
Du veljer valfag for eitt år om gongen, og som hovudregel vel ein dette ein gong utover våren. Det er som hovudregel ikkje mogleg å byte valfag etter at fristen for påmelding har gått ut.
Neste skuleår kan du vel det same valfaget om igjen, eller du kan vel eit heilt nytt. Nokre har derfor det samme faget alle tre åra, mens andre har to eller tre forskjellege.
Du skal ha tilvalsfaget som du har valt, frå 8. til 10. klasse. Du kan likevel byte fag det første halvåret i samråd med skulen. Når det foreligger særlege grunnar til det, kan skuleleiinga godkjenne overgang til eit anna valfag eller tilvalsfag. Merk at byte av tilvalsfag kan få konsekvensar for valmoglegheitene for elevar som velger studieførebuande utdanningsprogram i vidaregåande opplæring. Sjå punktet over om Tilvalsfag og konsekvensar for vidaregåande skule.
Søknadsskjema for valfag og tilvalsfag
Frist for å søke valfag og tilvalsfag er 15.april.